काठमाडौं ,बिहीबार माघ १५ काठमाडौँ नेपाल विश्वविद्यालय र भारतको प्रतिष्ठित इन्डियन इन्स्टिच्युट अफ साइन्स (आईआईएस्सी) बैंगलोरबीच विद्यार्थी तथा प्राध्यापक आदानप्रदान, संयुक्त अनुसन्धान र शैक्षिक गतिविधिमा सहकार्य गर्ने उद्देश्यले समझदारीपत्रमा हस्ताक्षर भएको छ। नेपाल विश्वविद्यालयको स्वायत्त शासकीय संरचना र उच्च प्राज्ञिक गुणस्तरका लागि आईआईएस्सी जस्तो विश्वस्तरीय संस्थासँगको साझेदारीलाई महत्वपूर्ण उपलब्धिका रूपमा लिइएको छ।
सम्झौताका क्रममा आईआईएस्सीका निर्देशक प्रा. गोविन्दन रंगराजनले नेपाल विश्वविद्यालयको ‘एकीकृत विज्ञान’ पाठ्यक्रमसँग सहकार्य गर्न तत्परता जनाए। भ्रमणका क्रममा बैंगलोर पुगेको नेपाली प्रतिनिधिमण्डलले विभिन्न संकायसँग छलफल गर्दै विज्ञान शिक्षक तालिम, जलवायु परिवर्तन, दिगो प्रविधि र सीप विकाससम्बन्धी अत्याधुनिक सुविधायुक्त नयाँ क्याम्पसको अवलोकन गरेको थियो।
