काठमाडौं चैत्र १२ : उपप्रधानमन्त्री एवम् शहरी विकास मन्त्री प्रकाशमान सिंहले विकास निर्माणकाे काममा कम स्राेतबाट धेरै नागरिक लाभान्वित हुने गरि काम गर्नुपर्ने बताउनुभएकाे छ ।
नगर विकास काेषले मंगलबार आयाेजना गरेकाे `शहरी पूर्वाधार : प्राथमिकता तथा वित्त व्यवस्थापन कार्यशाला´मा सम्बाेधन गर्नुहुँदै उहाँले यस्ताे बताउनुभएकाे हाे । कार्यक्रममा देशभरका महानगरपालिका, उपमहानगरपालिका र नगरपालिकाका प्रमुखहरू सहभागी थिए ।
उपप्रधानमन्त्री सिंहले परिवर्तित सन्दर्भमा नगर विकास काेषले नगरपालिकाहरूकाे भाैतिक पूर्वाधार विकासमा कस्ताे कार्यक्रम उपयुक्त हुन्छ भन्ने विषयमा पनि कार्यशाला उपयाेगि हुने विश्वास व्यक्त गर्नुभयाे । उहाँले संघीयतालाई बलियाे बनाउन संघ र स्थानीय सरकारबीचकाे सम्बन्ध सुमधुर बनाउनुपर्छ भन्नेमा आफ्नाे जाेड रहेकाे बताउनुभयाे। शहरीकरणका लागि अहिले देखिएकाे समस्या समाधानका लागि सरकार प्रतिवद्द रहेकाे भन्दै उहाँले नागरिककाे जीवन र जिविका सहज बनाउने कुरा नै अहिले सरकारकाे प्राथमिकतामा रहेकाे बताउनुभयाे ।
कार्यशालामा नगर प्रमुखहरूले अहिले भाेगिरहेका समस्या र वित्त व्यवस्थापनका चुनाैतिबारे आफ्नाे धारणा राखेका थिए ।
