काठमाडौं, १४ भदौ । काठमाडौं महानगरपालिकाका प्रमुख बालेन्द्र शाहले बुद्धि, विवेक पुर्याएर काम गर्न नगरप्रहरी बललाई निर्देशन दिएका छन्।
बिहीबार महानगरपालिकाको नगरप्रहरी बलको स्थापना दिवसको अवसरमा आयोजित कार्यक्रमलाई सम्बोधन गर्दै प्रमुख शाहले बुद्धि, विवेक पुर्याएर काम गर्न प्रहरीलाई निर्देशन दिएका हुन्।
‘एउटा मात्रै व्यक्तिमा बुद्धि–विवेक, इमान्दारिता र हिम्मत तिनवटै गुण भएको खासै पाइदैनँ। यो तिनवटै गुण राखेर काठमाडौं महानगरपालिकाका नगर प्रहरी प्रमुख राजुनाथ पाण्डेले भुमिका निभाउनुभएकोमा पनि धेरै धेरै धन्यवाद दिन चाहन्छु,’ उनले भने,‘साथसाथै नगर प्रहरी बलले बुद्धि–विवेक पुर्याउनुपर्ने ठाउँमा बुद्धि–विवेक पुर्याउनुहोला। संवेदनशील हुनुपर्ने ठाउँमा संवेदनशील पनि भइदिनु होला। हिम्मतले काम गर्नुपर्ने ठाउँमा हिम्मतिलो पनि भइदिनु होला।’
