काठमाडौँ , ३ असार । एसिसी इमर्जिङ एसिया कपमा नेपालविरुद्ध यूएईले टस जितेर पहिला ब्याटिङ गरिरहेको छ।
१० ओभरको खेल सकिँदा यूएईले ३९ रन बनाएको छ भने उसको कुनै पनि विकेट गुमेको छैन।
नेपालले आफ्नो प्लेइङ ११ मा चार जना परिवर्तन गरेको छ। नेपालको टिममा कुशल भुर्तेल, अर्जुन साउद, रोहित पौडेल, कुशल मल्ल, पवन सरार्फ, देव खनाल, गुलशन झा, श्याम ढकाल, प्रतिश जिसी, किशोर महतो र सन्दीप जोरा रहेका छन्।
नेपाल पहिलो खेलमा पाकिस्तान ‘ए’ सँग ४ विकेट र दोस्रो खेलमा भारत ‘ए’ सँग ९ विकेटको लज्जास्पद पराजय भोगेको थियो।
आजको खेल प्रतिष्ठाको मात्र हुनेछ। यता यूएईले भने भारतसँग ८ र पाकिस्तानसँग १ सय ८४ रनले पराजय भोगेको थियो।
