विद्युतीय गाडीको करबारे छलफल गर्न सकिन्छः अर्थमन्त्री खतिवडा

0
80

सरकारले विद्युतीय गाडीमा बढाएको करबारे छलफल गरेर घटाउन पनि सकिने अर्थमन्त्री युवराज खतिवडाले बताएका छन्।

विद्युतीय गाडीमा कर बढाएको विषयमा संसदमा उठेका प्रश्नको जवाफ दिने क्रममा उनले ‘कम हुन पर्छ भनेर यो भन्दा अघिको १० प्रतिशत नै हुनुपर्छ वा सार्क मुलुकको हाराहारीमा हुन पर्छ’ भनेर छलफल गर्ने विषय बाँकि रहेको बताए।

‘केहि देशले बढि कर लिएको पनि देखिएको छ केहिले कम लिएको पनि देखिएको छ,’ उनले मंगलबार संसदमा भने, ‘त्यसकारण यो छलफलको विषय रहेको उनले बताए। आर्थिक ऐनको छलफलका क्रममा यसबारे बिष्तृत छलफल गरिने उनले जानकारी दिए।

२०७२ सालमा भारतले नाकाबन्दी लगाएका बेला विद्युतीय गाडीमा सार्वजनिक गाडीलाई १ प्रतिशत र नीजिलाई १० प्रतिशत भन्सार तोकिएको थियो।

तर त्यो अहिले ‘रिभाइज’ गर्न भने आवश्यक रहेको उनले बताएका थिए।

यसको मतलव अर्थमन्त्री खतिवडाले अहिले बढाइएको अन्तशुल्क र भन्सार शुल्कलाई केहि परिर्वतन गर्न लचक रहेको आशय व्यक्त गरेका हुन्।

LEAVE A REPLY